Ábyrgð og þjónusta

Nokkuð hefur borið á „gráum innflutningi“ – þ.e. innflutningi á vörum framhjá viðurkenndum upboðs- eða dreifingaraðilum – á vinsælum tækjum m.a. á tilboðssíðum á netinu. Einna algengast er að sjá tilboðsverð á Galaxy SIII og Galaxy S4 símunum. Ástæða er til að hvetja neytendur til að vera á varðbergi gagnvart slíkum gylliboðum enda kennir reynslan okkur að ástæða sé til að efast um vilja og getu þeirra aðila sem að þeim standa að uppfylla lögbundnar skyldur varðandi ábyrgðir og annað sem gera má kröfu um í heiðvirðum viðskiptum. Einstaka aðilar eru jafnvel nægilega óforskammaðir að þeir reyna ekki að fela þessa háttsemi sína ef marka má fréttir.

Þeir neytendur sem verða fyrir því óláni að fá gallað eintak í hendur eða á annan hátt þurfa að nýta sér lögvarinn neytendarétt sinn komast of oft að því að þeir sem standa í „gráum innflutningi“ uppfylla ekki skyldur sínar gagnvart neytendum. Það getur verið kostnaðarsöm lexía.

Álit dreifingaraðila

Tæknivörur (TVR) – sem meðal annarra stendur á bak við snjallskoli.is – reynir sem formlegur dreifingaraðili Samsung Mobile á Íslandi að stuðla að árvekni neytenda, fyrirtækja og stofnana um þessi mál þannig að viðskiptavinir fái góða reynslu af tækjunum sem þeir kaupa.  Mikvægur þáttur fyrir skóla er að þjónusta – ábyrgðarviðgerðir sem og önnur þjónusta – sé í lagi og uppfylli kröfur skólans þegar um er að ræða tækjabúnað sem er hluti af daglegu skólastarfi en ekki bara leikföng sem gripið er til endrum og eins. Viðskiptavinir TVR eru tryggir hvað þetta varðar enda rekur fyrirtækið eina viðurkennda þjónustuverkstæðið fyrir Samsung síma og spjaldtölvur á Íslandi.

Mikvægur þáttur fyrir skóla er að þjónusta sé í lagi og uppfylli kröfur skólans þegar um er að ræða tækjabúnað sem er hluti af daglegu skólastarfi en ekki bara leikföng sem gripið er til endrum og eins.

„Við viljum því hvetja fólk til að spyrjast fyrir um uppruna þeirra tækja sem söluaðilar bjóða. Flestir eru með þetta í lagi en einstaka aðili reynir að stytta sér leið og slíkt kemur því miður oftast niður á kaupendum tækjanna,“ segir Sveinn Tryggvason1, framkvæmdastjóri TVR. Tækin sem TVR selur eru s.k. ‘nordic spec’ á meðan tæki sem koma með „gráum innflutningi“ eru gjarnan ‘euro spec’. Fyrir utan mismun í hugbúnaði sem getur haft áhrif á virkni tækisins (t.d. á 4G kerfum á Íslandi eða til að senda SMS) liggur munurinn í því að ‘euro-spec’ tæki (sem flutt eru með þessum hætti til landsins) eru ekki í ábyrgð frá framleiðanda hér á Íslandi á meðan ‘nordic spec’ tæki sem TVR kaupir beint af framleiðanda njóta fullrar ábyrgðar.2

Til að einfalda neytendum að þekkja muninn hóf Samsung á síðasta ári að merkja umbúðir utan um tækin. Þannig eru tæki sem ætluð eru til sölu hér á landi (og á Norðurlöndunum) merkt með innsilgi sem á stendur: „Approved for Nordic operators“. Slíkt innsigli merkir að tækið virkar á íslenskum fjarskiptakerfum og að tækið er í ábyrgð frá framleiðanda sem TVR sér um að uppfylla fyrir hönd Samsung. Innsiglið tryggir einnig að viðbótarþjónusta á borð við ódýr skjáskipti er einnig í boði fyrir eigendur þessara tækja. Slík þjónusta stendur eigendum ‘euro spec’-tækja ekki til boða.

Mikill meirihluti þeirra tækja sem seld eru á Íslandi í gegnum fjarskiptafyrirtækin, Elko, Advania og aðrar betri verslanir eru ‘nordic spec’ tæki sem njóta fullrar ábyrgðar frá framleiðanda. Lítill hluti neytenda lætur hins vegar glepjast af gylliboðum misvandaðra aðila sem bjóða lægra verð – sem jafnvel er gert í skjóli undanskota frá opinberum gjöldum eða með því að veita ekki þá ábyrgðarþjónustu sem lögboðin er.

Slík viðskipti eru til óþurftar fyrir alla: Fyrir neytendur sem of oft lenda í því að þurfa að greiða fyrir viðgerðir sem annars myndu falla undir ábyrgð. Við viljum því hvetja neytendur til að halda árvekni sinni og spyrja söluaðila um uppruna og ábyrgðir áður en ákvörðun um kaup er tekin. Fyrir skóla líkt og aðrar stofnanir og fyrirtæki er jafn mikkilvægt að velja söluaðila af kostgæfni.

  1. Í samræmi við full gagnsæi (e. full disclosure) er rétt að árétta að Sveinn er framkvæmdastjóri TVR sem stendur að baki vefinum snjallskoli.is
  2.  Vert er að árétta að einstaklingar sem keypt hafa Samsung síma eða spjaldtölvur í útlöndum og flutt hingað heim njóta einnig ábyrgðar að því tilskyldu að þeir getir framvísað kaupnótu og ábyrgðarskírteini – annað hvort European Block Warranty card ef tækið er keypt innan EES-svæðisins eða Limited International Warranty card ef tækið er keypt utan EES-svæðisins. Eðlileg vernd neytenda er því tryggð.

Lokað er fyrir athugasemdir.