Warning: Declaration of UL_Class_Walker::start_lvl(&$output, $depth) should be compatible with Walker_Nav_Menu::start_lvl(&$output, $depth = 0, $args = Array) in /var/www/vhosts/tvr.is/snjallskoli.is/wp-content/themes/saman/inc/wp3menu.php on line 0

Warning: Declaration of Walker_Category_Filter::start_el(&$output, $category, $depth, $args) should be compatible with Walker_Category::start_el(&$output, $category, $depth = 0, $args = Array, $id = 0) in /var/www/vhosts/tvr.is/snjallskoli.is/wp-content/themes/saman/inc/posttypecategories.php on line 0
Android spjaldtölvur vinsælastar | SNJALLSKÓLI

Android spjaldtölvur vinsælastar


Warning: count(): Parameter must be an array or an object that implements Countable in /var/www/vhosts/tvr.is/snjallskoli.is/wp-content/plugins/microkids-related-posts/microkids-related-posts.php on line 645

Snjallskólinn hefur áður fjallað um þá þróun sem orðið hefur í heimi snjallsíma þar sem Android stýrikerfið hefur náð miklum yfirburðum og er með um 80% markaðshlutdeild á heimsvísu í dag á meðan öll önnur stýrikerfi standa í stað eða gefa eftir. Samkvæmt nýlegum tölum frá greiningarfyrirtækinu Gartner bendir allt til þess að sambærileg þróun sé að eiga sér stað varðandi makaðshlutdeild fyrir spjaldtölvur. Þróunin er skýr: Android er að hafa betur í samkeppninni um hylli spjaldtölvukaupenda þegar horft er á heimsvísu (sjá nánar á grafinu hér að neðan).

Árið 2012 voru yfirburðir iPad spjaldtölvanna frá Apple enn sjáanlegir og var iOS þá með um 53% markaðshlutdeild á heimsvísu á sama tíma og Android var með 46% hlutdeild. Á síðasta ári (2013) snerist dæmið hins vegar við og hlutdeild iOS af spjaldtölvumarkaðinum fór niður í 36% á meðan Android náði um 62%. Viðsnúningurinn er algjör og er til marks um að þróunin í spjaldtölvum sé að fara á sama veg og gerðist með snjallsíma. Microsoft náði um 2% af spjaldtölvumárkaðinum árið 2013 en aðrir komust vart á blað.

Á síðasta ári snerist dæmið hins vegar við og hlutdeild iOS fór niður í 36% á meðan Android náði um 62%. Viðsnúningurinn er algjör og er til marks um að þróunin í spjaldtölvum sé að fara á sama veg og gerðist með snjallsíma. 

Þessi þróun er sérlega eftirtektarverð fyrir íslenskt skólafólk sem og aðra sem beina sjónum sínum að spjaldtölvuvæðingu enda munu straumar og stefnur á spjaldtölvumarkaði á heimsvísu hafa afgerandi áhrif á það hvaða stýrikerfi verða vænlegasti kosturinn hér heima. Fyrir fáeinum misserum voru spjaldtölvur frá Apple nær alsráðandi – enda ófáir sem nefndu þessi nýju tæki „iPad’a“. Í dag er æ algengara að notað sé hið ylhýra nýyrði spjaldtölva yfir þessi eftirsóttu tæki auk þess sem Android sækir mjög rækilega í sig veðrið eins og tölurnar hér að ofan eru til vitnis um.

Ástæðurnar fyrir vinsældum Android er að öllum líkindum þær sömu og þegar kemur að snjallsímum . Valfrelsi innan Android er mikið enda geta allir framleiðendur vélbúnaðar framleitt tæki sem byggir á Android – og fjölmargir gera einmitt það enda er mikið úrval Android tækja á breiðu verðbili. Þeir sem velja Android hafa því úr fjölmörgum kostum að velja. Um það hefur áður verið fjallað.

Android er jafnframt  opið – sem einnig felur í sér ýmsa kosti sem áður hefur verið fjallað um og eiga ekki síst við um notkun snjalltækja og snjalltækni í skólakerfinu þar sem hagræðingarmöguleikar og samnýting fjárfestinga í námsefnisgerð og nýjum kennsluaðferðum (t.a.m mánsefni fyrir speglaða kennslu) er sérlega mikilvægur þáttur.

Krafa dagsins er samspil óháð stýrikerfum enda vilja og þurfa fyrirtæki og stofnanir jafnt sem einstaklingar eiga samskipti og viðskipti þvert á tíma og rúm – og vitaskuld þvert á stýrikerfi. Það er því keppikefli allra sem vilja sjá skilvirkari, einfaldari og ódýrari samskipti að staðið sé vörð um frelsið sem þrífst utan múranna með open source. 

Lokað er fyrir athugasemdir.