Hver erum við

Segja má að Snjallskólinn settur hafi verið settur á laggirnar í tengslum við samvinnu- og þróunarverkefni Sæmundarskóla og TVR um notkun á spjaldtölvum í skólastarfi. Ætlunin er að hugmyndum sem liggja að baki verkefninu og reynslu sem verkefnið veitir þáttakendum muni verði miðlað í gengum Snjallskólann – á vefsíðunni snjallskoli.is og félagsmiðlum tengdum Snjallskólanum – Twitter, Google+ og Facebook. Það er lítill og snotur hópur fólks sem stendur að vefnum. Við höfum hins vegar áhuga á að stækka hópinn og erum á höttunum eftir fólki með áhuga, þekkingu eða reynslu en þó umfram allt hugmyndir um hvernig hægt er að þróa skólastarf á Íslandi.


 

Sveinn Tryggvason

@sveinhund | sveinnt | st@tvr.is

[do action=“mynd“ url=“http://www.snjallskoli.is/wp-content/uploads/2014/04/ST-586×1024.jpg“ device=“s5-white-portrait“ align=“right“ size=“medium“/]

Sveinn er einn af stofnendum Snjallskólans og gegnir tímabundið hlutverki ritstjóra þessa vefs. Foreldrar Sveins eru báðir kennarar til margra áratuga og eiginkona hans starfar sem námsráðgjafi en sjálfur er Sveinn fyrst og fremst áhugamaður og skólamál og menntun. Sveinn telur sig vera Akureyring enda fæddur þar og uppalinn. Sveinn gekk í Barnaskóla Akureyrar áður en hann fluttist 13 ára til Danmerkur þar sem hann gekk í Marie Kruses Skole i Farum á Sjálandi. Eftir gaggann lá leiðin aftur norður í land þar sem Sveinn stundaði nám við Menntaskólann á Akureyri þaðan sem hann lauk stúdentsprófi af náttúrufræðibraut árið 1993. Eftir stúdentspróf starfaði Sveinn tvo vetur sem leiðbeinandi í Gagnfræðaskóla Akureyrar þar sem hann kenndi m.a. stæðrfræði, íslensku og dönsku og fékk um leið að kynnast litríkum hópi kennara sem hann missti af sem nemandi. Á þessum árum tók Sveinn fjölmarga menntskælinga í aukatíma í stærðfræði, eðlisfræði og efnafræði. Árunum 1995 til 2000 stundaði Sveinn nám við Aalborg Universitet þaðan sem hann lauk meistaraprófi í rekstrarverkfræði.

Síðan námi lauk hefur Sveinn starfað sem rekstrarráðgjafi hjá PwC Consulting og IBM Business Consulting Services, sem forstöðumaður og framkvæmdastjóri hjá Símanum auk þess sem hann hefur setið í stjórnum fjölmargra fyrirtækja. Sveinn starfar nú sem framkvæmdastjóri TVR sem m.a. er dreifingar- og þjónustuaðili fyrir Samsung Mobile en það er einmitt ástæðan fyrir því að Samsung snjalltækjum bregður fyrir hér og hvar á síðum  Snjallskólans.

 


 

Sólveig Rósa Sigurðardóttir

@solveigrosa | solveig.sigurdardottir | solveig.rosa.sigurdardottir@reykjavik.is

[do action=“mynd“ url=“http://www.snjallskoli.is/wp-content/uploads/2014/04/solla_snjallskolimynd.jpg“ device=“s5-white-portrait“ align=“right“ size=“medium“/]

Sólveig Rósa er fædd og uppalin á Akureyri. Skólagangan hófst í Glerárskóla á Akureyri en þegar hún var 9 ára þá flutti hún á Brekkuna og gekk í Lundarskóla og kláraði þar 7. bekk. Því næst lá leiðin í Gagnfræðaskóla Akureyrar þaðan sem hún útskrifaðist og fór í Menntaskólann á Akureyri. Frá unga aldri og fram á unglingsár stundaði hún skíði, handbolta og fótbolta með KA og ÍBA. En eftir ár í Menntaskólanum á Akureyri á félagsfræðibraut lá leiðin suður í handboltaspilamennsku með Fram í Reykjavík. Leiðin lá þó aftur norður og lauk hún stúdentsprófi af hagfræðibraut Verkmenntaskólans á Akureyri. Eftir stúdentspróf lagði hún stund á lögfræði við Háskóla Íslands en eftir einn vetur af lestri bóka með nafnorðastíl þá ákvað hún að skipta yfir á menntavísindasvið Háskóla Íslands þaðan sem hún lauk prófi með kennslu unglinga í íslensku sem sérgrein árið 2011.

Sólveig hefur mikinn áhuga á að nýta tækni í námi og kennslu nemenda og hefur síðastliðið ár tekið saman og prófað ótal mörg forrit og kennsluaðferðir tengdar tækninýjungum af þessu tagi. Sérkennslan heillar hana sem og talmeinafræði og hún veit ekkert skemmtilegra en að sjá nemendur skapa og öðlast þekkingu á fjölbreyttan hátt. Sólveig starfar í dag sem umsjónarkennari í 8. bekk Sæmundarskóla og kennir íslensku í unglingadeild. Einnig hefur hún umsjón með spjaldtölvuþróunarverkefni sem hófst skólaárið 2013-14.

 


 

Birgir Rafn Friðriksson

birgir.fridriksson | brf@tvr.is

[do action=“mynd“ url=“http://www.snjallskoli.is/wp-content/uploads/2014/04/BRF-CV.jpg“ device=“s5-white-portrait“ align=“right“ size=“medium“/]

Birgir Rafn er norðanmaður og fyrrverandi íþróttaspriklari hjá KA. Eftir stúdentpróf frá Menntaskólanum á Akureyri lá leiðin suður til Reykjavíkur og þaðan út til Suðurfrakklands til að viðra sig og spreyta á franskri tungu. Honum til furðu var það ekki franskan sem festi rætur heldur leystist úr læðingi brennandi myndlistaráhugi. Birgir Rafn fékk inni í Myndlistaskólanum á Akureyri og útskrifaðist þaðan af fagurlistabraut um aldamótin eftir góða námsdvöl í Finnlandi. Þá flutti lífið hann suður og við tók hvunndagslegur rekstur á vinnustofu og gallerí í Engihjalla allt til loka árs 2004. Þá báru faraldsfæturnir hann áfram til Kaupmannahafnar Danmerkur að stúdera heimspeki og fagurfræði við Hafnarháskóla. Heim kominn 2009 bauðst að taka kennsluréttindin fyrir grunn- og framhaldsskólastig á einu ári og lauk hann því á vordögum 2011 við LHÍ. Birgir Rafn rekur vinnustofu sína á Garðatorgi í Garðabæ.

Birgir Rafn hefur víða komið við í myndlistinni, haldið margar einkasýningar, tekið þátt í samsýningum hér og þar og staðið í sýningarhaldi fyrir sjálfan sig og aðra, starfað við myndskreytingar, verið myndmenntakennari á öllum stigum skólans, tekið þátt í stofnun myndlistarsamtaka og sinnt þar formennsku, haldið fjölda málunar- og teikninámskeiða og komið að öðrum myndlistatengdum verkefnum. Fyrir utan myndlistarheiminn hefur hann einnig víðtæka starfsreynslu í ýmsum geirum atvinnulífsins, menntun sem hann dásamar engu síður en skólamenntunina.