Warning: count(): Parameter must be an array or an object that implements Countable in /var/www/vhosts/tvr.is/snjallskoli.is/wp-content/plugins/microkids-related-posts/microkids-related-posts.php on line 645

Gagnleg snjallforrit

Fátt gleður snjalltækjaeigendur meira en góð snjallforrit eða smáforrit (sem frjálslyndari armur íslenskufræðinga leyfir okkur að kalla öpp). Hér má finna öpp til að auðvelda lífið, gera vinnuna skilvirkari, öpp til að efla og bæta nám og kennslu – sem sagt öpp til að gera tilveruna skemmtilegri.

Orðagull

Orðagull er vandað málörvunarforrit í spjaldtölvur og snjallsíma og hentar fyrir alla þá sem vilja styrkja og bæta grunn sinn í íslensku. Appið er ókeypis.
HBS – Hljóðbækur

Viltu nýta timann í strætó til að hlusta á námsbækur eða bara liggja heima í sófa og hlusta á Laxness. HBS er frábært app sem veitir notendum Hljóðbókasafnsins nýjan og betri aðgang að hljóðbókum safnsins.
Íslenska stafrófið

Stafrófið er smáforrit eftir Soffíu Gísladóttur, útgefið í mars 2013. Appið er sniðið fyrir unga krakka sem eru að læra stafina, hljóð þeirra og stafrófið.
Stafaleit

Stafaleit er einfaldur minnisleikur fyrir þá sem eru að læra stafina. Kjörið fyrir yngstu kynslóðina.
Íslensk Reiknileikni

Íslensk Reiknileikni er app þar sem þjálfa má samlagningu, frádrátt og margföldun. Forritið er með íslensku viðmóti og boðið er uppá mismunandi erfiðleikastig. Það ætti því að höfða til breiðari hóps hjá yngri kynslóðinni.
Infinite Painter

Infinite Painter er öldungis frábært teikni- og málunarforrit frá Sean Brakefield. Þetta smáforrit hentar skapandi fólki, bæði leiknum sem lærðum og á eftir að heilla þig uppúr skónum.
Bitstrips

Bitrstips gerir þér kleift að búa til skondna teiknimyndaútgáfu af sjálfum þér. Síðan má velja bakgrunn, velja um margskonar tjáningu og skrifa textaskilaboð með. Persónulegt og myndrænt app fyrir netræn samskipti.
Stærðfræðipöddur á nams.is

Stærðfræðipöddur er spjaldtölvuvænn, gagnvirkur og litríkur vefur á vegum Námsgagnastofnunar þar sem börn geta þjálfað sig í samlagningu, frádrætti og margföldun.
Kortavefsjá á náms.is

Kortavefsjá er vefur á náms.is þar sem skoða má hin ýmsu íslensku fyrirbæri á korti, lesa sér aðeins til um þau og sjá myndir af þeim. Frábær vefur fyrir snjalltækjaeigendur á ferð og flugi.
Smábókaskápurinn á náms.is

Vefurinn Smábókaskápurinn hýsir nokkrar bækur fyrir þá sem eru að læra að lesa. Vefurinn er gagnvirkur og velja má að hlíða á textann lesinn, fylgjast með í upplestrinum, svara spurningum um efnið og fara í orðaleiki. Og lesa sjálfur skemmtilegar bækur.
Play and Learn English

Play and Learn English er skemmtilegt forrit, ætlað byrjendum í enskunámi á ýmsum aldri. Markmið þess er að kenna góða stafsetningu og búa til vissan grunnorðaforða í ensku. Play and Learn English er framleitt af Salla, sem stendur einnig fyrir mörgum öðrum sambærilegum tungumálaforritum.
Snjallfinnur

Snjallfinnur er íslenskt málfræðiapp með yfir 500 málfræðiæfingum. Það var gefið út í kjölfar útgáfu málfræðibókarinnar Málfinnur og er appið byggt á efni bókarinnar. Forritið er fyrsta forrit sem Málborg framleiðir og hlaut framleiðslan styrk frá Hagþenki 2014. Höfundur þess er Svanhildur Kr. Sverrisdóttir, um forritun og hönnun sá Sverrir Þorgeirsson og Ninna M.Þórarinsdóttir sá um […]
Magisto

Magisto er app og vefsíða sem gera kleift ađ búa til myndbönd úr ljósmyndum. Myndböndin má færa í stílinn í á einfaldan máta og bæta við tónlist til að hafa undir. Forritið nýtist til að gera stemmingarmyndskeið og hefur hlotið hina virðulegu viðurkenningu Google Play, Editors Choice. Magisto er bæđi sem app og vefsíða. Auðveldlega […]
Picsay

PicSay er myndvinnslusmáforrit þar sem bæta má ýmsu hressilegu við inn á ljósmyndir. Inn á myndirnar má m.a. setja texta, talblöðrur, hatta, sólgleraugu, blöðrur, fána og margt fleira. Og myndirnar eignast nýtt líf.
Flipaclip

Flipaclip er virkilega flott teiknimyndaforrit – þ.e. hreyfimyndaforrit – þar sem gera má styttri teiknimyndir með tiltölulega lítilli fyrirhöfn.
Book Creator

Ætlar þú að búa til rafbók? Þá er þetta app fyrir þig. Á aðgengilegan hátt býrð þú til þína eigin rafbók og deilir henni með vinum þínum, félögum, samferðafólki eða öðru fólki.
Sketchbook

Sketchbook er frábært teikni- og málunarforrit frá Autodesk fyrir leikna og lærða sem býður uppá fjölmarga möguleika á borð við lagskipta vinnu.
Pixlr-o-Matic

Með Pixlr-o-Matic er hægt að færa ljósmyndir í stílinn með ýmsum blæbrigðum sem einfallt er að stilla og skemmtilegt að leika sér með.
Mindomo

Mindomo er glæsilegt app fyrir skapandi nemendur sem vilja búa til hugarkort. Mindomo styður íslenska stafi í texta og inniheldur fjöldann allan af skemmtilegum aðgerðum.
Explain Everything

Explain Everything er skemmtilegt og býsna öflugt snjallforrit til að útbúa kennsluefni og hvers kyns kynningar. Appið er einkar hentugt í skólastarfi og gagnlegt tól ef vendikennsla er á dagskránni
Lightbot – forritunarkennsla

Lightbot er flott app sem kennir grunnhugtökin í forritun. Notandi lærir m.a. skipanir, röð aðgerða og endurtekningar í gegnum skemmtilegan leik með litlu gráu vélmenni.
Tellagami

Tellagami er smáforrit þar sem notendur búa til sína eigin persónu, velja bakgrunn og taka upp það sem persónan á að segja eða setja inn texta. Mögulegt er að deila efninu á ýmsan máta.
TinyTap

Tinytap er leikandi og skemmtilegt smáforrit með fullt af skapandi möguleikum. Hægt að spila margskonar leiki sem aðrir hafa búið til eða búa til gagnvirka, myndríka og lifandi leiki og frásagnir eftir eigin höfði.
Orð í tíma töluð

Ertu á höttunum eftir fleygum orðum til að nota í ritgerð eða tækifærisræðu. Orð í tíma töluð hefur að geyma þúsundir tilvitnana – beint í símann eða spjaldtölvuna. Hafsjór af tilvitnunum í einföldu appi sem fólk getur haft bæði gagn og gaman af.
Trello

Trello er einfalt og sveigjanlegt app til að halda utan um hvers kyns verkefna- og skipulagsvinnu – einkum fyrir hópa þar sem gagnlegt er að úthluta enstaka hlutum verkefnisins til tiltekinna þátttakenda, halda utan um minnisatriði og huga að tímaáætlunum. Appið er einfalt í notkun en einnig er hægt að nálgast Trello í gegnum vafra og því aðgengilegt öllum óháð stýrikerfi. Snilldartól fyrir nútíma teymisvinnu.
Google Translate

Fjölhæft og gagnlegt þýðingartól sem sífellt fer batnandi. Sérlega hentug „samtals-stilling“ sem gerir kleift að túlka samtal tveggja einstaklinga sem er nýtur sín vel í Android tækjum sem skilja íslensku. Gott og gagnlegt hjálpartæki sem á vel heima í skólastarfi.
WolframAlpha

Wolfram|Alpha er stórmerkilegt app sem flestir geta haft gagn og gaman af. Stærðfræðinördar sem og aðrir nördar munu að öllum líkidum elska þetta app enda veitir appið og „vélin“ sem liggur að baki frábæra innsýn inn í heim vísinda. En Wolfram|Alpha á í raun erindi við alla sem vilja fræðast og ferðast um heim mannlegrar þekkingar og á því erindi við skólafólk af öllum stærðum og gerðum.
Pinterest

Pinterest er í raun rafræn korktafla þar sem notendur geta fest myndir, vefsíður og hugmyndir á sína vef-korktöflu. Skemmtilegt app til að deila hugmyndum sínum og fá lánaðar hugmyndir frá öðrum.
Comics Head

Þarf að segja frá einhverju? Hér er app sem býður þér frásagnarmáta teiknimyndanna. Og þú þarft ekki einu sinni að kunna að teikna.
Photo Editor

Með þessu góða appi má klæðskerasníða myndir, breyta þeim og bæta. Þetta er gott verkfæri fyrir alla myndasmiði.